Jop ka H. Elias, District War bad ka Umthli ha ka Subroto Cup

Shillong: Ka rynsan iaknieh ia ka nam lahduh ka lympung State Level Subroto Mukherjee Cup Football Tournament ka la kut ha kane ka sngi Saitjain ba la pyniaid da ka tnat Directorate of Sports & Youth Affairs.

Ha ka jingiakhun ka U-17 jong ki khynnah kynthei, ka Umthli HSS ka la pylliem da 7-0 ia ka Joel Gatphoh Memorial Synod Hr. Sec.School (WKHD).
Katba ha ka jingiakhun ki khynnah shynrang U-14, ka District War Sepngi Christian Hr. Sec. School (EKHD) ka la pylliem da 2-1 kol pyrshah ïa ka Khliehumstem Sec. School (RI-BHOI).
Ha ka U-17 ki shynrang, ka H. Elias Hr. Sec. School (EKHD) ka la pylliem da 6-1 kol ia ka Church of God Sec. School (WKHD).
Ha kane ka jingiakhun, ka skul North Liberty Higher Secondary School na West Jaintia Hills District, ka la ioh ia ka khusnam Best Discipline Team.
Kine 3 tylli ki skul kin pynkhreh ban leit iashim bynta ban mihkhmat ia ka jylla sha ka jingialehkai ka national level kaban long ha nongbah Delhi.