45ngut ki bar Jylla, pynphai ka HYC na Pynthorumkhrah, Mawtawar

Shillong: Ka HYC Shillong City mynta ka sngi hapoh ka jingialam u Samla Enlang Sawian General Secretary, ka la pynlong ia ka Sier Lapalang Operation ha kylleng ki jaka ba don ha ka thain Pynthorumkhrah bad kumjuh ha ka Shnong Mawtawar.

Ha kane ka jingkhynra, la ioh bat palat 45ngut ki bar jylla na kine ki jaka, namar ba kim don ia ki kot ki sla kiba biang kynthup ia ka labour liscence bad ka seng ka la phah leit phai noh ia baroh kine ki bar jylla kiba don ha kine ki jaka trei bad maham ruh ba kim bit ban dang wan trei bylla sha kane ka jylla.
Ka seng ka pynpaw ruh ia ka jingsngewsih halor ka jingaibor jong u Rangbah shnong ka Mawtawar, ban shah ia ki nongtrei bar jylla ban trei hapoh kane ka thain, kat kum ka jingiathuh ki contractor, ong ka kyrwoh na U Publicity Secretary HYC Shillong City, bah Kyrshan Kharjahrin.