Lap ka NASA, ba yn iaid lynti u asteroid ha ka 10tarik Nailar

U met bneng ASTEROID, un iaid syndah bad ka pyrthei, ha ka 10tarik Nailar 2019, lap ka NASA bad ka NASA, ka pynsngew ba kam donkam satia ban tieng, namar ba utei u metbneng, uba don da ki maw kiba eh tasam, un iaid ha ka jingjngai kaba 4.55 million mile na ka pyrthei bad un iaid ha ka jingstet kaba 10,400 mer ha ka shi kynta.

Ka kotkhubor jong ka The Sun, kaba na London, ka iathuh ba utei u asteroid, u dei uba la tip kyrteng kum u 2006 QQ23 bad u heh 1,870 feet ha ka diameter. Utei u met bneng, um shym la wan satia shajan ka pyrthei, naduh u snem 2001. La khmih lynti, ba hadien katei ka jingiaid lynti jongu, ha ka taiew ban wan, un nym wan phai shuh satia shajan ka pyrthei, haduh ka 15tarik Rymphang 2022.