La iathuh ba u khun jong u snar lehnoh, uba satar tam, U Osama Bin Laden, ula shah siat iap, ha kaba la siat iap ia u, da ka America.
U Hamza bin Laden, la ju khot sin ia u, kum u “Crown Prince of Jihad” bad u dei u nongialam ba thymmai, ha ka kyrteng jong u kpa jongu, U Osama Bin Laden bad u don ia ka dor kaba shi million dollar, ba la tyrwa da ka America ban ioh kem ia u.
Ki pulit syntiat jong ka America, kim shym la pynthikna ia ka jaka ba u iap, hynrei ki iathuh ba utei u ehrang, uba 30 snem ka rta, ula shah pyniap. Ka kotkhubor New York Times, ka pynthikna ba ka dei ka America, kaba pyniap ia U Hamza.
Don ki lad khubor kiba iathuh ba utei u snar ehrang, u lah ban don ha Pakistan, Afghanistan lane ha Iran, tangba ula shah kem bad shah set phatok ha ka jaka sah jongu hi.
Phi don ban ong eiei?