Ki riew ieid phutbol jong ka South Korea, kin ai da ka mukotduma bad ka daw, ka long namar ba U Cristiano Ronaldo, um shym la ialehkai, ha ka jingialehkai paralok jong ka Juventus, kaba la long ha ka taiew ba ladep, ha Seoul.
La iathuh ba la ia kut da ka dor, ba U Ronaldo, un ialehkai na ka bynta 45 minit pyrshah ia ka K League All Star, hynrei kaba pynsngew sih ia ki nongpeit kai, ka long ba U Ronaldo, u shu shong pynban ha rud madan, ha baroh kawei ka jingialehkai, kaba la pynlong ha Seoul World Cup Stadium.
Ki la don kiba ia lum lang ha ka kyrteng jong ka South Korea’s Naver web portal bad kitei ki la leit ban iakren ia u riewsaid jong katei ka nongbah, U Kim Min-ki, ba un ai da ka mukotduma ia ki nongpyniaid jong katei ka jingialehkai.
‘Bun bah kiba thied tiket, namar ba ki kwah ban iohi ia U Ronaldo. Ka kompeni Fasta, ka la pynbna paidbah, ba ka la ia kut bad ka Juventus, ha kaba U Ronaldo, un ialehkai 45 minit bad nangta, un soi kyrteng ruh ia ki jingkwah ki nongialehkai” ong U Kim.
Katei ka mukotduma, ka dawa ba dei ban siew bai lutksan, kaba long 70,000 won (£48) shi ticket, 1,000 won bad sa ka ticket commission fee (70p), bad nangta sa 1 million won (£696), na ka bynta ka jing khuslai jingmut ki nongpeit kai ba kim iohi ia U Ronaldo ha madan.
Phi don ban ong eiei?