U Dr Donkupar u dei u khraw pyrkhat ka Dong Mihngi, ong u Himanta

Shillong: U myntri ka sorkar Assam uba long ruh u nongialam ka BJP u Himanta Biswa Sarma ula wan sngewlem ia ka jingkhlad u Dr Donkupar Roy, uba dei uwei na ki nongialam ka jylla.

Haba kren sha ki lad pathai khubor, u Himanta ula ong ba u Dr Donkupar Roy u dei u riew khraw ym tang ka Meghalaya hynrei ha ka Dong Mihngi hi baroh kawei.
“Ha ka por ba thaw ia ka sorkar, ngi la iakren bun kiei kiei, bad nga la iohi ba u dei uba don ka nongrim kaba khlain”, la ong u Himanta.
U la bynrap, “Nga ngeit ba um dei tang u nongialam ka Meghalaya, hynrei u dei u nongialam ba khraw ka dong mihngi baroh kawei”, la ong u Himanta.
U la ong ba ka jingkhlad kyndit jongu ka dei ka jingduh ia ka jylla Meghalaya bad kumjuh ia ka thain.
“Ha ka kyrteng ka BJP, ka North East Democratic Alliance (NEDA) bad kumjuh ki paidbah ka Assam, nga phah ia ka khubor sngew lem ia kane ka jingkhlad noh u Dr Donkupar”, la ong u Himanta.