Mynjur ka Rajya Sabbha ban pynduh noh ia ka Triple Talaq

New Delhi: Ka Rajya Sabbha, ka la mynjur ban pynduh noh ia ka Triple Talaq, mynta ka sngi bad lyngba ka jing mynjur ia katei ka ain, la khang noh nangne shakhmat ban ia pyllait sanshyieng ia ki shynrang, da kaba shu talaq ia ki kynthei.

Katei ka ain, kaba la tip kyrteng kum ka Muslim Women (Protection of Rights on Marriage) Bill, 2019, la leit rah ha Rajya Sabbha, da U Ravi Shankar Prasad, myntri kam ain jong ka sorkar India bad ha ka jingkren jong U Prasad, u kam ba katei ka ain, ka dei kaba la khang ha kiba bun ki ri Muslim jong ka pyrthei, hynrei u bynniaw ba ha India, pat ym shym pat la khang satia ia katei ka ain.
Katei ka ain, ka khang pyrshah ia katei ka jing ia pyllait tnga, da kaba shu talaq ia kito kiba long niam Muslim bad katei ka ain mynta, ka la ioh ia ka jing mynjur jong baroh ar tylli ki iing, ka Lok Sabbha bad ka Rajya Sabbha.