La leit rah ia ka met jong U Dr Don sha Sohra

Shillong: La leit rah mynta ka nohsngi, ia ka met jong U Dr Donkupar Roy sha iing jongu ha Sohra.

Hadien ka jing pynlong jing duwai lyngkot, la rah noh ia ka met jongu na Crinoline View Bungalow, ha ka por 2.40 nohsngi bad ka met ka la poi ha Sohra ha ka por 4baje nohsngi bad la buh ha ka iing jongu ha Mawpun, ha Sohra, ong ka khubor.

U Conrad Sangma, myntri rangbah ka Jylla, ha ryngkat bad ki myntri sorkar lem bad kiwei pat kiba ieid ba thoin, ki la leit ban synran ia ka met jong u lamphang dorbar sha Sohra.
Ka jingleh burom khadduh kan long lashai ka sngi ha Sohra, ha ka por 12.00 baje nohsngi bad hadien kata yn sa leit buh ia ka met jongu ha kaba yn tep ha Shella, ha ka por 3baje nohsngi.