Shah thang u khynnah 15snem ka rta, la kynnoh ba u kyntait ban ong Jai Shri Ram

U khynnah uba 15 snem ka rta, uba dei na ka niam Muslim, ula mynsaw jur, na ka jingshah thang ha ki saw ngut ki briew, namar ba um shym la ong Jai Shri Ram.

Ka khubor kaba la pynmih mynta ka sngi ha ka India Today, ka iatuh ba ki don saw ngut ki briew, kiba la thang ia utei u khynnah samla ha Chandauli district jong ka Uttar Pradesh. La leit rah mar mar ia utei u samla ha Kashi’s Kabir Chaura hospital bad u don ha ka jingmynsaw kaba jur, namar ka jingshah thang ka la poi sha ka 60 percent ha ka met jongu.
Utei u khynnah, u iathuh ha ka Aaj Tak, “Nga iaid ha ka jingkieng ha Dudhari bad ki saw ngut ki briew, ki la rah bor ianga. Arngut na ki, ki la teh ia ki kti jongnga bad saw uwei pat u theh da ka sharak bad hadien kata, ki thang ianga bad ki sa phet bak na katei ka jaka”.
Ki pulit ki iathuh ba utei u khynnah samla, ula dep ing, ha shwa ba un poi ha la iing bad ki pulit ki shim ba katei ka jingjia, ka long kaba pyn artatien jur.