U met bneng asteroid, uba don ka jingheh kaba 100 metre antad, u iaid biang ha syndah jong ka pyrthei bad ia katei, ki dang shu lap ki saiantis jong ka Brazil lane ka Brazilian SONEAR, ha kaba ki la ai kyrteng 2019 OK. Hadien ba ki saiantis na Brazil, ki la lap ia kitei ki jingshisha, la buddien sa ki stad na Ohio State’s All-Sky Automated Survey, ha kaba ki la nang pynthikna shuh shuh.
La lap ia utei u met bneng, uba dei da ki maw kiba eh shibun, ha ka sngi balang, hynrei la iathuh ba ki saiantis, ki la lap dier por, namar ba mar ia kumta hi ula iaid noh na syndah jong ka pyrthei, tangba donbok, ba kam don kano kano ka jingjia kaba sngewsih.
Ka jingiaid jong utei u metbneng, khlem pep, ka la pynkyndit ia ki stad haw haw, namar ba ma ki ruh, kim shym la ioh lum jingtip lypa.
“Ka jing bym ioh jingtip lypa, ka pyni ia ka dak ka jingma kaba khraw, namar ba kitei ki met bneng, kiba khlain bor bha, ki lah ban hap ha kano kano ka por ha ka pyrthei jongngi” ong u Michael Brown, na ka Monash University.
ki saiantis ki pyrkhat ialade ba kidei kiei ban tip lupa lut nadong shadong kum U Blei? ka riew biej suda.