Kut noh ka lympung ialehkai badminton ba lai sngi ka EKHDBA

Shillong: Ka jingialehkai ba lai sngi jong ka 5th East Khasi Hills District Open Badminton championship 2019 ba la pynlong da ka East Khasi Hills District Badminton Association (EKHDBA) ka la poi noh sha kaba kut hynnin ka sngi Saitjain.

Kumba 150 ngut ki nongialehkai kiba la wan iashimbynta ha katei ka lympung ha ka kyrdan jong ki rta bapher bapher baroh ar ki khynnah shynrang bad kynthei bad ki don baroh 165 tylli ki jingialehkai ba la pynialehkai ha kitei ki lai sngi.
U Cr. C.O. Rangad, uba dei u Senior Vice President ka Meghalaya State Badminton Association bad ruh u nongaibuit jong ka East Khasi Hills District Badminton Association u la pynkut ia katei ka lympung da kaba long kum u kongsan, kiwei pat ki dkhot kiba don lang ki long u bahP. Laloo, Vice President ka MSBA, u R. Kamal Secretary ka MSBA, u Bah S. Lyndem President ka West Khasi Hills District Badminton Association bad u President bad ki dkhot jong ka EKHDBA.