3 sngi kynthih, yn long jar jar ki ophis sorkar Jylla, yn tep ia U Dr Don ha Shella

Shillong: Baroh ki ophis sorkar Jylla, kin don ha ka jing jar jar, kaba sdang naduh ka 29tarik haduh ka 31tarik Naitung 2019. Ha kine ki lai sngi, yn pynher lama tang shiteng, ha baroh ki ophis sorkar jylla bad yn nym don satia kino kino ki kam ialeh sngewbha sngew miat.
Baroh ki ophis sorkar, ki kashari bad ki skul, kin khang ha ka 31tarik mynta u bnai, ha kaba ka jingialang leh burom, kan long ha Sohra, ha ka 31tarik mynta u bnai, katba ia ka met yn tep ha katei hi kajuh ka sngi ha Shella, ong ka kyrwoh na U Chief Secretary, ka sorkar Jylla, kaba la pynmih mynta ka sngi.