Shah kem, kiba pyniaid pisa thok

Shillong, 22 Jymmang:
Mynta ka sngi ha ka por 1 baje mynstep, ki pulit ki la kem ia lai ngut ki briew kiba la tip kyrteng kum u Richard Warjri, u Kailash Sharma bad u Wakil Sunn , ki pulit ki la kem ia kitei ki lai ngut hadien ba ki la suba jur ba ki dei ki nongpyniaid pisa thok ha kane ka jylla. Kham hadien ki pulit ki la leit ban khynra ia ka ing sah jong u Richard Warjri kaba don ha Mawiong Umjapung, Shillong. Ha katei ka jngleit khynra ki la lap haduh 7 song ki pisa thok kiba da ka kot T.1000 tyngka, bad hapoh kitei ki song ki la don ruh ki kot sada ba la khap pynwandur ha ka dur jong ka pisa, kaba ia ryngkat bad ka lut T.100 tyngka. Ki pulit ki kurup ia kitei ki tiar, bad ka jingtohkit ia kitei ki lai ngut ka dang iaid shakhmat.