Shillong: U bah John Kharshiing u la ong, “Kumba ka Jammu & Kashmir(J&K) ka shah pyllait, namar don ki ain ba iada ia ka, kumta iangi ka Khasi & Jaintia (K&J ) ruh dei ban pyllait, namar ngi ruh ngi don la ki ain ban ioh iada.”
La iathuh u bah John Kharshiing, haba iakren mynta ka sngi bad u Rupang hadien ba la wai ka jingialang ha kamra ophis u syiem Mylliem.
Ki nongialam ka Federation of Khasi State ki pynpaw ka jingpyrshah ia ka jingthmu jongka sorkar India ban pynkylla iaki ain Indian Forest Act 1927, ka Forest Conservation Act 1980, ka Coal Mines Nationalisation Act 1973, ka Mines and Minerals Development Regulation Act 1957, The Coal Mines Regulation, 2017, Ka Meghalaya minor Minerals Concession Rules 2016, Ka Mines Act 1952, Ka Biodiversity Act 2002, ka Biodiversity Rules 2004, Ka WildLife Act, 1972, Wildlife Protection Rules 1995 ba iadei bad ka rukom bat khyndew bat khlaw ha ka jylla jongngi,namar kane kan sa long ka daw ban iuhroit iaka hok jong ki trai muluk halor ka khyndew ka shyiap, ki um ki wah bad ki khlaw ki btap.
“Ngi la rai ba ngin leit ban ia kynduh kyrkieh ia ka KHADC ban kyntu ba ka dei ban shimkhia ba kan thoh shaka sorkar jylla, namar kane kan sloit bad iuh roit iaka hok jongngi ka jait bynriew,”la iathuh u bah John,bad u la ong ruh, “Ia ki khlaw ki btap,ki um kiwah,ka khyndew ka shyiap dei ki kur, ki riew shimet, ki hima,ki raid bad kiwei kiwei ki kynhun.”
Ki nongialam ki iathuh ba kum ka synjuk kim pyrshah ia ka jingpynneh ia ki khlaw ki btap,ki lum ki wah,hynrei, ym dei pat ban pyrshang ban sloit noh ia ka jinglong trai,namar jan baroh ki jait kam ba pynmih daka sorkar pdeng la hap ban ia kiew iinglieh iing saw, hynrei shu donbok ba ka Iing bishar ba ha khlieh duh ka ri dang shen ka la pynbna ba ka Meghalaya kam don khlaw bad ia ki jaka la long trai da ki paitbah.
Dalah te kabha