Shillong: Ka Northeast United ka la pynbna ba ka jingpyrshang ban jied ia ki nongialehkai kan long ha ka 27 tarik Naitung 2019 ia kito kiba kha 1 tarik Kyllalyngkot, 2003 haduh Nohprah 31 tarik, 2006. Katba ia kito kiba kha 1 tarik Kyllalyngkot 2007 haduh 31 tarik Nphprah 2008 ka jingjied kan long ha ka 28 tarik Naitung, 2019.
Ka rynsan ban jied ia ki nongialehkai kan long ha madan Indira Gandhi Athletic Stadium, Sarusajai, Guwahati. Kiba kwah ban leit pyrshang sha kane ka jingjied nongialehkai kin rah ka Birth Certificate, ka ID ba ioh da ka bor sorkar, 2 tylli dur Passport Size bad ki tiar na ka bynta kane ka jingthmu.
Kiba kwah ban iashim bynta ki dei ban pyntip ne leit mih ha ka por 7 AM ha ka 27 tarik bad ha 28 tarik Naitung 2019.
Ki nongialehkai kiba shah jied ha ka Club kin ioh jinghikai da u coach Khalid Jamil, uba dei u khlieh ka Academy bad Grassroots Development for NEUFC.
Na ka bynta ka jingtip ba kham bniah lah ban phun 7002485700, la ong ka kyrwoh na ka Club.
Phi don ban ong eiei?