Shillong: La ioh khubor, ba ki bor District, ki la pynjari korphiw ha Mahendraganj, jong ka South West Garo Hills district, hadien ba u paidbhur, ula leit tur sha thanat bad ula pynjot ia ki tiar ki tar, ha katei ka thanat pulit.
La iathuh ba la pynjot ia ki kali pulit bad ka daw, ka long hadien ba la kynnoh, ba la siat da ki pulit ia uwei u briew, uba don jingduna, uba la phet krad, hynnin ka sngi, hadien ba ula ioh ia ka INSAS rifle jong uwei u pulit langrut.
Utei u briew, u dei uba kyrteng U Ahidul Islam (35), ula knieh ia ka rilfe jong U Pini Sangma, ha ka por 8.30 hynnin ka miet.
Na ka liang ki pulit ki iathuh ba U Ahidul, hynnin ka miet, u iaid ruma bad u mut ban pom da ka wait ia ki riew paidbah ha Nadichar. Haba ki pulit, ki la ioh jingtip, kumta ki la leit sha katei ka jaka bad utei u briew, ula tur bad ktah kti ia ki pulit ruh bad ha ka jing ialeh bad ki pulit, ula ioh knieh ia katei ka suloi bad uwei u pulit, ula hap ialade shapoh wah.
U Ahidul, mar ia ioh ia katei ka suloi, ula phet bak na katei ka jaka bad ha katei ka por, U ER Marak, uba dei U Sub Inspector, ula siat sha suin ban pyntieng ia utei u briew, uba rah ia katei ka suloi.
Hynrei ka la mih ka hamsaia ba ki pulit, ki la siat ia U Ahidul bad ka dei na katei ka daw, ba ka sa mih ka jing ia tur paidbah sha ka thanat pulit ha Mahendraganj, ha ka por 11baje mynstep bad ki la kawang bad la pynjor ia ki kali pulit bad kiwei de ki jingdon jingem.
La iathuh ba ki bor pyniaid District, ki la pynjari da ka section 144 Cr PC ha Mahendraganj, naduh mynta haduh lashai ka por 8baje mynstep.
Ka khubor na U Asstt Inspector General of Police (A), Meghalaya, Shillng, ka iathuh ba ka jingwad ka dang bteng ban lap ia U Ahidul Islam bad la buh ar tylli ki ejahar ha Mahendraganj Police Station.
Phi don ban ong eiei?