U Working President, ka seng BJP, U J P Nadda, ula khot hajir ia ka Pragya Singh Thakur, kaba dei ka MP jong ka seng BJP na Bhopal, namar ba ka wohnia bad kren pyrshah ia ka skhim pynkhuid shnong jong U Narendra Modi, ong ka khubor.
La khot hajir ia ka Thakur, da U Nadda, sha ophis jong ka seng ha Delhi, halor ka jingkren jongka ha Sehore jong ka Jylla Madhya Pradesh, ha ka Sngi U Blei ba ladep.
Haba kren ha ka jingialang, ka Thakur, ka la kren shai ba ka kam nongmihkhmat jongka, kam dei satia ban pynkhuid nala, lane ban pynkhuid painkhana bad ka ong ruh ba ka kamram jong ka MP, ka long ban ia treilang bad ki MLA, ki nongmihkhmat paidbah, na bynta ka roi ka par. “Hum naali saaf karwaaneke liye nahi bane hain. Hum apka shouchalaya saaf karwane ke liye bilkul nahi banaye gaye hain. Hum jis kaam ke liye banaaye gaye hai, woh hum imaandari se karenge (I have not been elected to clean drains. I have definitely not been elected to clean your toilets. I will honestly do the work for which I have been elected).
Kane kam dei ka sien nyngkong ba ka Thakur, ka la pyn lehrain ia ka seng jongka, ka BJP, namar ha ka elekshon Lok Sabbha ba ladep, ka ka la iaroh jur ia U Nathuram Godse, uba pyniap ia U Mahatma Gandhi, da kaba ong ba u dei u riew ieid ri.
Phi don ban ong eiei?