Shillong: Ka Meghalaya Association of Kickboxing Organization (MAKO) ka la lah ban pynlong ia ka XII Meghalaya State Level Kickboxing Championship, 2019 ha Mini Indoor Sports Hall, Lumparing, Shillong.
Ha katei ka lympung la wan iashim bynta da ki 150 ngut ki khynnah ialehkai na East Khasi Hills, West Jaintia Hills, Ribhoi bad West Khasi Hills.
Ha ka jingsdang plie ia katei ka lympung, la wan plie da u Bah Sambormi Lyngdoh uba dei u kongsanbad u Bah A.S. Kharbuli uba dei u symbud kongsan.
U President ka MAKO, u Bah Donny Ranee u la pyntip ruh ba ka MAKO kan jied ia ka kynhun napdeng ki nongjop ha ka XXII Meghalaya State Level Kickboxing Championship kiban leit mih khmat ia ka jylla ha ka National Kickboxing Championship ban sa long shen ha Madhya Pradesh bad sha ka Federation Cup ban sa pynlong ha Manipur ha u Naiwieng mynta u snem.
Ha kaba pynkut pat ia katei ka lympung bad sam ia ki khusnam sha ki nongjop, u Bah Narson Khongsit, u Rangbah Shnong ka Lumparing u la long kum u Kongsan bad u Bah Paul Marwein Assistant Secretary kum u symbud kongsan.
Ha katei ka lympung, ka East Khasi Hills District ka la long ka kynhun lahduh ha ka XXII Meghalaya State Level Kickboxing Championship bud sa ka Ri-Bhoi District bad ba wan balai dei ka West Jaintia Hills District.
Ki Nongiakhun ba tbit duh ha katei ka lympung ki long: 1) ka Espiranza Songthiang ha ka 48kg category point fighting, 2) u Nangtei shaphrang Nongkynrih ha ka Sub-junior Boys 34kg category point fighting bad 3) u Mewan Pynshngsian Nongrum ha ka Senior men 65kg category Light contact.
Phi don ban ong eiei?