Shillong: Ha ka 10tarik Naitung 2019, ha ka por 2.30 mynstep, ka kynroh ka la twa ha syndah ka iing jong ka Vineata Sun, kaba shong ba sah ha Nong Marboh, Nongrah. Ka daw jong ka jingtwa ka kynroh, ka dei namar ba ka don ka jingtuid jong ka um, lem bad ka jaboh, kaba wan na ka surok PWD, namar ba kam don satia ka jingshna nala kaba biang ba kan iaid ka jaboh, ha ka por slap.
Ka kong Sun, ka iathuh ba ka la kren sha ka tnat kaba peit ia ka disaster management bad ki nongtrei katei ka tnat, ki la leit beh mar mar ban peit da la ki jong ki khmat, hynrei kim shym la pynpoi jingiarap eiei ruh em.
Katei ka longkmie, ka ai nguh eh ia ka Rotary Club of Shillong, ha kaba ka leit mar mar ban maramot ia katei ka jingtwa jong ka khyndew, kaba lah ban pynkhyllem ia ka iing hi baroh kawei. Ka kong Sun, ka ai burom ia ki dkhot jong katei ka club, ha ka jingialam jong U President jong ka Club, U Rtn David Umdor, ha kaba ki la wan kit bad tei skhem da 600 byrni u shyiap, ban khanglad na ka jingtuid jong ka iing bad la iathuh ba kitei ki la trei dep ia ka kam, ha ka 20tarik Naitung 2019.
Phi don ban ong eiei?