300ngut, yn hikai ei ka AISECT

Shillong: Ka AISECT, ka ia trei lang bad ka Directorate of Employment and Craftsmen Training (DECT), kaba dei ha ka tnat Labour jong ka sorkar Meghalya, kan ai jinghikai ei ia 300ngut ki samla na ka Jylla, halor ka skhim jong ka sorkar India, Centrally Sponsored State Managed (CSSM) lane ka Pradhan Mantri Kaushal Vikas Yojana 2.0. Katei ka jing hikai, kan long ha ki san bynta ba kynthup ia ka IT/ITES, Capital Goods, Construction, Green Jobs bad Telecom bad kan sdang naduh ka taiew ba nyngkong jong U Nailar, ha kaba yn hikai na ka bynta 340-540 kynta bad kan shim por, na ka bynta lai bnai.