Pynwai u lamphang, ia ka iing dorbar Karnataka, khlem ia tynjuh bor

Ka dorbar ia tynjuh bor jong ka Karnataka, ka la shu kut noh mynta ka sngi, khlem da ia pyni bor satia hapdeng ka sorkar Congress, JDS pyrshah ia ka BJP.
U KR Ramesh, Lamphang dorbar, ula pynkut noh ia katei ka dorbar mynta ka miet bad la sngewthuh ba ka jingshong dorbar, kan long biang ha ka 22tarik Naitung 2019 bad ka jing ia tynjuh bor ruh, kan long ha katei hi ka sngi, ong ka khubor.
Ha kawei pat ka liang, U Lat ka Jylla, ula thoh hynnin ka sngi, sha u myntri rangbah ka HD Kumaraswamy, ba u dei ban pyndep ia ka jing ia tynjuh bor ha ka por 1.30 mynta ka nohsngi, hynrei hadien ba katei ruh kam iaid satia, kumta U Lat, ula thoh biang bad ai por ban pyndep hapoh ka 6baje mynta ka janmiet, hynrei na ka liang jong u myntri rangbah bad u lamphang dorbar, kim shym la pyn shah shkor satia bad kumta, la pynwai ia ka dorbar mynta ka sngi bad la sngewthuh ba ka jing ia tynjuh bor, kan long ha ka Lah Sngi U Blei.