Iakhaid ka Umpling bad ka Lamlynti ha ka 3rd division

Shillong: Ka Umpling SC ka la iakhaid bad ka Lamlynti 1- 1 ha ka jingiakhun ka 3rd division kaba long myn hynnin ka sngi. Ia ka kol ka Umpling la thep da u S.Wanshnong 42’ katba ia ka Lamlynti SC la thep da u M.Jana 67’.
Ha kawei ka jingialehkai, ka Umphrup SC ka la pylliem ia ka Risa colony da 3-0 kol bad ia kine ki kol la thep da u N.Nongbri 23’, W.Nongbri 48’ bad B.kharumnuid 54’.
Ka Lumdiengjri SC ka la pylliem ia ka Krang da 2-0 kol bad ia kine ki kol la thep da u R.Lamare 23’, A.Warjri 30’.
Ha ka jingiakhun ka 2nd Division, ka Mawryngkneng SC ka la iakhaid bad ka Riatsamthiah 1- 1. Ia ka Mawryngkneng la thep da u I.Kharsati 33’ katba ia ka Raitsamthiah la thep da u R.kharjana 19’.
Ha ka jingiakhun ka SPL U-18 pat, ka Nangkiew irat SC ka la pylliem ia ka Nongrim Hills da 2-1 kol. Ia ka Nangkiew la thep da u S.Tariang 42’,55’ katba ia ka Nongrim Hills la thep da u P.Nongkhlaw 69’.