Mar ia ioh khun shynrang, ai U Syiem barim ka Malaysia, da ka talak ia ka tnga

U Syiem barim ka Malaysia, ula ia pyllait sanshyieng bad ka tnga jongu bad katei ka jia, tang mar shu ioh khun shynrang, ong ka khubor.
U Sultan Muhammad V jong ka Kelatan, ula hap ban ieh noh ia ka khet Syiem jongu, namar ba u i mon eh ia ka Miss Moscow ba rim, ka Rihana Oksana Voevodina, ha kaba ki la ia poi kha ha u Naiwieng jong u snem ba ladep.
Mynta pat tang hadien hynriew bnai, ba ki ia shong ia sah ryngkat, U Sultan Muhammad, uba 50 snem ka rta bad ka kurim jongu, kaba 27 snem, ki la ia pyllait sanshyieng nh bad katei ka la pyn kyndit ia u paidlang ba bun jong ka Malaysia.
Katei ka jing ia pyllait sanshyieng, ka dei ha ka 1tarik Naitung 2019 bad la iathuh ba katei ka jing ia pyllait sanshyieng jongki, ka dei lyngba ka jingkren jong U Muhammad, da ka talak, ha kaba ula kren lai sien lai wat bad kaba ki ju pyndonkam ban ia pyllait tnga ha ka rukom ki Muslim. La iathuh ba katei ka jing pyllait sanshyieng, ka dei kaba la rai ha kashari jong ka Singapore.
U Sultan, u dei uba la pyndep ia ka jingpule jongu ha England bad ula iehnoh ia la ka jong ka khet jongu bad katei ka dei hadien, ba la pyni ia ka dur ka dar jong ka tnga jongu, halor ki jingjia kiba rim, kiba ia dei shaphang ka jingim jong katei ka tnga jongu bad kaba lehse, um sngew iahap satia.
Ka Oksana, ka pynthikna, ha ka 21tarik Jymmang, ha kaba ka la ioh khun shynrang na U Muhammad, uba dei u tnga ba la shwa ia ka la 24 snem tam. Ka Oksana, ka iathuh ruh ba utei u khun jongka, la ai kyrteng da U Tengku Ismail Leon Petra Bin Tengku Muhammad V Faris Petra.