Kwah ka Bangladesh, ban bam doh da ki masi lajong, ha ka lehniam Eid

Ka sorkar Bangladesh, ka la rai ban pyrkhing bha ia ka jingrung jong ki masi na India, ha shwa ka jinglehniam Eid-ul-Azha bad ka daw ka long ban ailad ba ki masi, kiba don ha katei ka ri, ba kin iaid iew ha katei ka jing lehniam.

Katei ka rai, ka dei hadien ka jing ia lang ba la khot da u myntri ka tnat ri jingri, U Ashraf Ali Khan Khasru, hynnin ka sngi.

Ka Eid-ul-Azah, kan long ha ka 12tarik Nailar, lada jia ba ka iahap bad ka jingmih bnai, katba kum ka jingngeit jong ki Muslim, lane u bnai Zilhaj.

Ha katei ka jing lehniam, ka jingdonkam masi, kan long 1klur shiphew lak bad haduh mynta ki don phra lak tam tylli ki masi, lane 1 klur 18 lak tylli ki masi, kiba lah ban ot doh ha katei ka sngi lehniam.