Pynliem ka Gorkha ia ka Mawkriah ha ka 3rd Division

Shillong: Ka Gorkha ka la pynliem ia ka Mawkriah da 4-0 ha ka jingiakhun ka lympung 3rd division kaba long myn hynnin ka sngi. Ia kane ka kol la thep da u R.Thapa 12’, 29’, M. Gurung 26’ bad u A.Gurung 70’.
Ha kawei ka jingialehkai, ka Mawreng SC ka la pylliem da 1-0 ia ka Lawmali bad ia kane ka kol la thep da u B.Rani 70’. Ka Nongmynsong SC pat ka iakhaid bad ka Sanmer khlem don ba lah ban thep kol.
Ha ka jingiakhun ka 2nd Divison, ka Sohiong SC ka la pylliem ia ka Lumshyiap da 5-0 bad ia kine ki kol la thep da u B.Jana 10’, 78’, 86’, R. Thabah 45’, P. Khongsit 88’.
Ha kawei pat ka jingiakhun ka 1st division, ka Imson SC ka la iakhaid bad ka Sawmer SC.