Mar sien ia kynduh ia ka Pooja, nga la kwah ban ia poi kha noh, ong U Nawab Shah

Ka Pooja Batra, ka pynthikna ba ka la ia poi kha bad U Nawab Shah bad U Shah, haba iakren ha ki kotkhubor, ula kren shai ba mar sien ia kynduh nyngkong, ula kwah palat ban ia poi kha noh bad ka Batra. U Shah, u dei u aktor jong ka phlim Bhaag Milkha Bhaag.
“Ka Pooja, ka la rung ha ka jingim jongnga, kum ka sngi kaba phyrnai bad nga sngew thikna ba nga kwah ban pynlut ia ka jingim jongnga bad ka. Ha ka jingshisha, nga la kwah eh ban ia poi kha noh bad ka, mar sien ia kynduh nyngkong” ong U Shah. Ka Pooja bad U Nawab, ki la ia poi kha mynta u bnai ha New Delhi, ha ka jing ia poi kha, kaba kynjah bha.
Ka Pooja Batra, ka la ak ha ki katto katne ki phlim, kum ka Virasat, Haseena Maan Jayegi, Kahin Pyaar Na Ho Jaaye bad Jodi No 1. Ka Pooja, ka kren shai ba ka jingkwah jongka, ban ia poi kha noh mar mar bad U Shah, ka long namar ba kam don jingmut ban shu ia pynslem kai ia ka por.