Pylliem ka Smit ia ka Mawkhar ha ka 1st division

Shillong: Ka Smit ka la pylliem ia ka Mawkhar da 1-0 kol ha ka jingiakhun ka 1st Division ka SSA kaba long myn hynnin ka sngi ha madan Polo. Ia kane ka kol la thep da u B.Kurbah 90’.
Ha kawei ka jingialehkai ka SPL U-18, ka Nongkrem SC ka la shah pylliem da 2-3 ha ka Rangdajied United. Ia ka Nongkrem la thep da u G.Mylliemngap 12’, M.Kharbuli 70’ katba ia ka Rangdajied United FC la thep da u 3’ da ka kol thep hi, O. Langshiang 74’ bad u M.Rynjah 77’.
Ha kawei ka jingiakhun, ka Nangkiew irat SC ka la iakhaid 1- 1 bad ka Lawsohtun. Ia ka Nangkiew Irat la thep da u H.kharmudai 26’ bad ia ka Lawsohtun SC la thep da u B.Nongkynrih 43’.
Ha ka jingiakhun ka 3rd division, ka Umlyngka SC ka la shah pylliem ha ka Lumparing da 1-2 kol. Ia ka Umlyngka la thep da u E.Jyrwa 7’ katba ia ka Lumparing SC la thep da u K.Nongkhlaw 35’, 63’.
Ha kawei ka jingiakhun ka 3rd Division, ka Mawpat SC ka la pylliem ia ka Kharang da 2-0. Ia ki kol ka Mawpat la thep da u N . Kharlukhi 22’, R. Kharsohnoh 56’.