Shillong: Ka Braveheart Fc ka la ioh rung sha ka wat kaba ar jong ka 5th Mawryngkneng Invitation Knockout Football Tournament hadien ba ka la lah ban pynliem ia ka Pdengshnong Fc da ka tie bearker. Ha kane ka jingialehkai ka Braveheart ka la ioh ban thep ia ka shi goal lyngba u D Nongkynrih ha ka minit kaba 5, ka pdengshnong ka la iakhun tyngeh ban pyniakhaid ia ka jingialehkai bad dei ha ka kylla miet ba ka la lah ban pyniakhaid biang ia ka jingialeh lyngba ka goal jong u N Bina ha ka minit kaba 76. Hadien jong ka jingiakhaid u referee u la pyniaid da ka tie breaker ban ioh ia ki nongjop bad ha kane ka tie braeker ka Braveheart ka la tam da 5-3.
Haba phai pat sha ka Mawryngkneng Super Cup ka Nongrim Sc ka la jop ia ka Mission Sc da ka tie breaker ka ba long 5-3.
Haba phai pat sha ka jingialehkai hapeng ka Hamlen Fc pyrshah ia ka Yongstar Fc kaba la long ha ka 05/7/2019 ka Hamlen Fc ka la jop ia ka Yongstar Fc da 2-1. Ha kane ka jingialehkai ka Yongstar Fc ka ioh ban pynkhih jar nyngkong lyngba ka goal jong u K Kharshong ha ka minit kaba 52 jong ka kylla miet. Ka Hamlen Fc ka la iakhun tyngeh bad ka la lah ban pyniakhaid ha ka minit kaba 63 lyngba ka goal jong u W Nongkhlaw bad hadien jong kane ka Hamlen Fc ka la lah ban pyntam syndon lyngba ka goal jong u R Khongjoh ha ka minit kaba 69 bad ban jop syndon ia kane ka jingialehkai.
Haba phai pat sha ka Mawryngkneng Super Cup ka Pomlahier Sc ka la jop ia ka mawrisham Sc da 1-0 lyngba ka goal jong u M Kharsati ha ka minit kaba 34.
Ka programme ialehkai ha ka taiew ban wan kata ha ka 23/07/2019 ka Mawmang Sc kan iakynduh pyrshah ia ka Nongtalang Fc jong ka Mawryngkneng Invitation bad ka programme jong ka Mawryngkeng Super Cup kan long hapdeng ka Thangshalai Sc pyrshah ia ka Lapalang Sc.
Phi don ban ong eiei?