Yn plie ka iew dielang, haduh ka por 2baje janmiet, ong U Deputy CEM

Shillong: U Deputy CEM ka KHADC U Bah Pyniaid Sing Syiem mynta ka sngi u la pyntikna ba ia ka iew dielang kan long haduh 2 baje janmiet. Ia kane ka rai la shim hadien ba la kut ka jing ia lang ha pdeng u Dy CEM bad ka Hill Farmer Union, hadien ka jingmih ka jing pyrshah jong ki nongrep ia ka jingeh ba ki kynduh ha iew duh myn ha ka sngi nyngkong jong u taiew .
“Ka iew die lang ka long kum kawei na ki lad ioh kam ioh jam kham tam ia ki long kmie ki ba kamai ja kpoh” la ong u bah Pyniaid Sing Syiem.
Ha kane ka jingialang la shim ruh ia ka rai ban bthah ia u Syiem un pyntrei kam biang ia ka hukum ba la mih ha ka 21 tarik u Nailur 2018 ka ba ong ” ka Dorbar u Acting Syiem Hima Mylliem ka la rai ba kino kino ki nongrep ki ba wanrah ia u marrep ha iewduh ne ha kino kino ki ieh kiba hap ha Hima Mylliem ban die,ki nongthied ki dei ban thew biang ba kin tip katno ki khoh,ki borni bad ki kriah ki khia bad kin khate. Kino kino ki nongthied ki bym ngeit hap ha ka jing pynshitom kat kum ba shong ka ain.”
La thaw ruh ia ka Commitee on Farmer Issue ha ka 23 tatarik u Iaiong 2019 ha ka jingialam jong u Pyniaid Syiem kum ku Chairman ban sngap ia ka jingeh ki nongrep ha iewduh.
Ka EC kan shim ruh ia rai ba ka Hima kadei ban buh ia ka Sainboard ba pynshai ia ka hukum ba la mih na ka Hima Mylliem.
Na ka liang ka EC kan sa pynlong ruh ia ka jingialang bad ki Mahajon ban tip ruh ia kaei ki jingeh jong ki Mahajon pat.