Shah kem u heh ka Amrit Cement, ba set ia ki nongbylla

Jowai: Uwei na ki heh jong ka Amrit Cement Limited kaba don ha Umlaper jan Mynkre ha ki thain Lumshnong u la shah kem hynnin ka janmiet ha ki pulit ka East Jaintia Hills, hadien ba la kynnoh ba u la set be-ain ia ki 8 ngut ki nong bylla jong katei ka Company pynmih Dewbilat.
Utei u heh ka Amrit Cement uba la shah kem u dei uba la tip kyrteng kum u Pawan Kumar Yadav.
Ka khubor na ki pulit ki la iathuh ba hadien ba ki la ioh jingtip kaba thikna ba ki don ki nong bylla jong katei ka Company ki la shah set ha kamra jong ka Companu kiba ju pyndonkam ban sah naduh ka 2 tarik une u bnai, ki pulit ki la hiar ban pyllait ia ki bad ha ka juh ka por ki la kem ia utei u Pawan Yadav.