Halor ka kam khaii kynthei, sa 12 ngut ha ruhnar, kynthup ia u pulit

Jowai: Myn hynnin ka sngi ha ka jingiakynduh, ki heh Pulit ka West Jaintia Hills, ki la iathuh ba la ioh kem sa ia 12 ngut kiba don kti ha ka kam khaii bad kam awria kiba kynthup ia u pulit officer uba la shong thait.
U bah Donkupar Moksha (DSP) bad u MJ Manger (DSP) kiba la ialam ia ka kynhun Sit kaba dei ka kynhun tohkit ba kyrpang tang na ka bynta katei ka kam be-ain ki la iathuh ba kitei ki 12 ngut la ioh kem na ki bynta bapher bapher ka District.
Napdeng utei u heh pulit ba la shong thait ki la don ruh sa saw ngut ki nongtrei sorkar kiba la shah kem ha ki pulit.