Pan monjur ki nongot doh masi na KHADC, ia ka iew thymmai ha Byrnihat

Shillong: Hadien shibnai ka jingkhang ban die doh masi, Ka Khasi Jaintia Butcher Welfare Assiociation mynta ka sngi ka la leit ban kynduh ia u CEM ka KHADC u bah Teinwell Dkhar ban ai mynjur shipor ban plie ia ka jaka die masi ba shipor ha Byrnihat.
Na ka liang u president ka KJBWA u bah Generous Warlangpih u la ong “Kum ka kynhun ngi la pynpaw ia ka jingkyntait ba ngin leit iew biang ha ka iew barim a Khanapara.Ka la don ka jing pyrshang, na ka liang ki dkhar ba khot pynlong iew noh sha ki thain ka Assam, hynrei na ka liang jong ka seng ngim treh shuh ia kane ka iew ba ngim don shuh ka jingshaniah halor kane ka bynta.Na ka liang ka seng ngi la ia wad ia ka jaka bad ngi la ia ioh ha Byrnihat Ribhoi District ban plie ia ka jaka die masi ba shipor, namar ba na ka liang ki nongdie doh masi ruh ki la angnud ban plie noh ia ki dukan jong ki kumta na ka liang jong ngi ngin buh noh ka jaka ka ban long tang shipor ban ailad ia ki nong die doh ba kin wan ioh ban plied noh ia ki dukan jong ki”.
Na ka liang u CEM un donkam shwa ia ka jing ia syllok jingmut lang bad ki Executive Member bad la iathuh ba lashai kin sa ai ia ka rai shaphang katei ka mat.