Ka rai u paidbah, ka long pyrshah iangi, ong ka Sonia

New Delhi,
16 Jymmang:
Ka President jong ka seng Congress, ka Sonia Gandhi bad u khun jongka, U Rahul Gandhi, uba dei ruh U Vice President jng ka seng, ki shim ia ka jingkitkhlieh, halor ka jingshah rem kput jong ka seng Congress, ha kane ka kynti kaba mynta jong ka elekshon Lok Sabbha.
Ka President jong ka seng Congress, ka  Sonia Gandhi, kaba la jop suk ialade na  Rae Bare li,ym kum u khun jong ka, uba jop da 1.07lak ngut pyrshah ia ka Smriti Irani, kandidet jong ka seng Congress ka la ong “Ka rai jong u paidbah, ka long pyrshah ia ngi”.
Ha ka jingkren, kaba lyngkot eh, sha ki kotkhu bor, hadien ba ka ka seng Congress, ka la jop tang da 50ngut ki MP, ka Sonia Gandhi, ka ong “Da ka jingsngew rit, ngi pdiang ia ka rai jong u paidbah bad ngi kyrmen ba ka sorkar thymmai, kan pynneh ia ka jinglong ia tylli bad ka bha ka miat jong ka ri”.
Na ka liang jong U Rahul Gandhi, uba phuh samrkhie, u ong “Nga ai khublei ia ka sorkar thymmai bad nga kitbok ia ki, ba kin trei bha”.
“Ka seng Congress, ka la leh sniew palat bad ka don ka phang, ba ngin pyrkhat bha, ha kaba nga shim ia ka jingkitkhlieh halade” ong U Rahul.