Na ka jinghap slap kaba jur ha Mumbai, iap 27ngut ki briew

27 ngut ki briew, ki la iap ei, na ka jingshlei um bad ka jinghap slap kaba jur kaba la jia ha ki khyndiat sngi ba ladep ha Mumbai. La pynthikna ia katei ka jingjia, da ka Brihanmumbai Municipal Corporation mynta ka sngi. Ki bor pyniaid jong ka sorkar Jylla, ki la pynbna shuti mynta ka sngi, namar ka jinghap slap kaba jur bad kaba iai bteng khlem sangeh.
La iathuh ba 18ngut ki la iap ei bad sa hynriew ngut kiba mynsaw, na ka jing khyllem jong ka kynroh na ka jinghap slap kaba la jubor ha Malad bad katei ka jingjia, ka jia ha ka por 2baje mynta ka sngi dang step phyrngab. Katei ka dei ka jaka sah jong ki briew ha rud surok, ha kaba ka kynroh ka la twa bad ka la ban ia kitei ki shem lanot.