Ngam jyllop ka samla ha jaka sei mawshun ka Star Cement, phah tohkit ka HANM

Shillong: Ka HANM ka phah ia ka khubor sngewlem sha kiba ha iing ha sem jong ka Samla Ready Lamare, kaba la iap ngam jyllop, ha ka jaka sei mawshun jong ka Star Cement.

Na ka liang ka seng ka dawa na ka sorkar Meghalaya, ba ka dei ban thung da ka jingtohkit, halor katei ka jingiap ngam jyllop ka Samla Ready Lamare, ha ka jaka sei mawshun jong ka Star cement, namar la suba jur ba ia katei ka jaka sei mawshun jong ka star cement kam pat biang ki kot ki sla, kiba kynthup ia ka clearance certificate na ka ministry of environment kumta ter ter. Ka seng, ka ong ba lada ka sorkar kam shimkhia kan sa jia shuh kum katei ka jingjia, nangne sha khmat, namar baroh ki kompeni dewbilat, ba don ha East Jaintia Hills ki shu sei mawshun katba ki mon, khlem da bud ryntih iaki rukom pyniaid ka ministry of environment.
Shuh shuh ka seng ka la wan ban iakynduh ia u Superintendent of Police, East Jaintia Hills District Khliehriat halor katei ka jingjia bad la kyntu ia u ban shim khie ia katei ka jingjia, la ong u Secretary jong ka Seng, Bah Shaniahlang Suchen.