17tarik, yn ia rah lama iong ha kylleng ka East Jaintia

Jowai, 15 Jymmang:
Ha ka sngi kaba ar, ka jingtih dewiong, ka jingkit dewiong, ka sa ngeh lut sbak ha kylleng ka Jylla. Ym don kali kiba iaid, ym don nongtrei sha ki par dewiong bad wat ki surok ruh, ki i kynjah, namar ba ki trok, ki duna bha, kiba iaid kamai mynta ar sngi.
Na bynta ka 17tarik mynta u bnai, kaba dei ka sngi pakhang shnong jong ka seng ki nongtrei dew iong, ka Jaintia Coal Miners and Dealers Association, U Ma Balen Thubru, uba dei U President jong ka Jaintia Hills Truck Owners Association (JHTOA), ula kren shai, ba ki trok, kin ia trei lang bad kin nym iaid kamai satia ha katei ka sngi. Ula ong shuh shuh, ba ki iew bad ki kali, kin nym iaid sha East Jaintia, namar kan don ka jingialang paidbah bad ka jing ia rah lama iong ha baroh kawei ka East Jaintia.
Lah ban pynkynmaw, ba U Ma Balius Swer, President ka Jaintia Coal Miners and Dealers Association, ula iathuh ba ha ka 17tarik, kan don ka jing pakhang shnong, ha baroh kawei ka Jylla, wat la kam don pat ka jingpakhang ia ki skul, ki ophis, ki kali, ki lah ban iaid bad katei ka dei ka jingkhot ia u paidbah, ba un ia treilang, na bynta katei ka phang, kaba ktah ia ka iap ka im jong ka Jylla hi baroh kawei.