T. 5.88klur, pyllait pisa ka DSEL ia ka tulop ki nonghikai APSTA

Shillong: Ka kynhun jong ki nonghikai ka APSTA ha ka jingialam jong u bah FC Shullai Genl. Secretary, ka la leit ha ka 17tarik Kyllalyngkot 2019, ban iakynduh ia u Director ka School Education & Literacy, u Ambrose Ch.Marak ban leit buh ia ki jingdawa ha kaba iadei bad ka jing sahkut jong ki tulop jong ki nonghikai Lower Primary kiba hap hapoh ka SDSEO Shillong,ha kaba ka jing buddien halor kane ki la leit biang ha ka 4tarik Rymphang 2019 nangta ha ka 11tarik Lber 2019,ha ka 3tarik Jylliew 2019 bad kaba khadduh dei ha ka 18tarik Jylliew 2019.
U Director, lyngba u Dy.Director bah L.S.Lyngdoh, la phah ban pyllait ia ka song pisa ba kot sha ka T.5,88,53,381, katkum ka shithi nombar DSEL/EL/GB/LPS/3/2019/Pt/36 kaba dt. Shillong,18tarik Jylliew 2019.
Bad kane ka mang pisa, ka la poi sha ka ophis jong ka SDSEO Shillong ha ka 24tarik Jylliew 2019 bad ka seng ka kwah ban sa leit iakynduh ha ka 2tarik Naitung 2019 ban iakren ba kan pyllait noh kham kloi sha ki nonghikai .
Ha kajuh ka por, ka seng ka ai khublei ruh ia ka ophis u Director, ba ki la pyllait ia katei ka pisa.