Jop ka YBSC ia ka Umphrup sc ha 5th MIFT, ka Mawmang SC ha ka Super Cup

Shillong: Ka YBSC kaba na Shella ka la lah ban jop ia ka Umphrup sc ha ka jingiakhun jong ka Mawryngkneng Invitation Knockout Football Tournament. Ha katei ka sngi ka Umphrup sc ka la ioh ban pynkhih nyngkong ia ka jar lyngba ka goal jong u Nickel Bina ha ka minit ba 24 jong ka kylla step, ka ybsc ka la iakhun tyngeh bad dei tad haduh ka minit ka ba 39 ba ka la lah ban pyniakhaid lyngba ka goal jong u Jeffery Surong bad tang shi minit hadien kane ka ybsc ka la lah ban pyntam lyngba u Boby Chyne. Haba wan phai pat ha ka kylla miet ka ybsc ka la lah ban pynskhem shuh shuh ia ka jing jop da kaba ka lah ioh ban thep ia ki ar goal lyngba u Brillion Chyne 76 minit bad u Bryan Shadap 80 minit.
Haba phai pat sha ka jingialehkai ka Mawryngkneng Super Cup ka Mawmang sc ka lah ban pynrem kput ia ka Iewrim sc da 5-0 lyngba ki goal jong u Bansuk Mukhim 11 minit, m khyriem 25 minit (own goal), Shemphang Mukhim 34 minit, Angisius Mukhim 59 minit bad ka goal ba khatduh lyngba u Sanbhalang Mawthoh 61 minit.
Ka programme na bynta ka 6/07/2019 (sngi Saitjain) ha ka Mawryngkneng Super Cup yn iakhun ka Mission sc pyrshah ia ka Nongrim sc ha ka por 12:30 pm, bad haka Mawryngkneng Invitation Knockout Football Tournament ka Hamlen f.c kaba na Jaintia kaba dei ka lahduh ha ka snem ka ba la dep kan ia khun pyrshah ia ka Yongstar f.c kaba na Shillong ha ka por 2:30 janmiet.