Hadien ba ula jop elekshon, thung U Sunny Deol, da u nongmihkhmat ha Gurdaspur

U Sunny Deol, ula shah kynthah jur mynta ka sngi, ha ka Seng Congress, na ka daw, ba ula thung da uwei pat u briew, u ban mihkhmat ha ka jaka jongu ha ka Constituency, kaba ula jop elekshon dang shen ha Gurdaspur, ha Punjab. U Deol, ula thung ia U Gurpreet Sing Palheri, ba un leit sha ki jingialang bapher bad ba un buddien ia ki kam ki duk, ha ka jaka U Deol, ha katei ka Constituency.

Advertising

“Da kane ka pyntip, ba nga la thung ia U Gurpreet Singh Palheri, u khun jong U Supinder Singh, uba dei u nongshong shnong jong ka Palheri, district Mohali, Punjab, kum u nongmihkhmat jongnga ba un leit sha ki jingialang bad ba un buddien ia ki kam ki duk ha ka Constituency jongnga ha Gurdaspur (Punjab), lem bad ki bor kiba dei peit” ong ka shithi, kaba la thoh ha ka letter head jong U Deol.

U Palheri, u dei uwei na ki nongthoh bad u iathuh ba ia katei ka shithi, la aiti ha u, ha ka 26tarik Jylliew 2019 bad u iathuh ba ka kam jongu, ka long halor ki jingdonkam kiba dei ha katei ka thain bad kiba lah ban donkam baroh 24 kynta ha katei ka Constituency ha Gurdaspur.