“Jisu: Dei ka kyrteng halor ka kyrteng baroh!”

AIS Suja

Jisu, dei ka kyteng halor ki kyrteng baroh. Ka kyrteng Jisu, kaba la ai da u angel. Loukas 2:21. Ka kyrteng Jisu ka mut, “Naba yn pynim ia ki brew baroh na ki pop jong ki” Mathaios 1:21. “U Blei ula kyntiew eh ia u Jisu bad u la ai ha u ia kata ka kyrteng KABA HALOR KA KYRTENG BAROH”. 1 Philipi 2:9. Da ka kyrteng Jisu, ba yn mab ia ki briew na ki pop jong ki baroh, bad ym don da kawei pat ka kyrteng halor bneng halor khyndew kaba donbor lait na ka kyrteng u Jisu. Ki don shibun bah ki Blei ka pyrthei, hynrei kim lah ban pynim ban pyllait ia u briew na ki pop bad dei tang ka kyrteng Jisu kaba lah ban ai jinghun iau briew hapdeng ki jingeh bad jingjynjar, bad kito kiba la mad ia ka ki sngewthuh ba ka long kumta.
Ha ka kyrteng u Jisu, ka khohsiew baroh kan dem khrup, kiba ha ki bneng, bad kiba ha khyndew, bad u thylliej baroh un phla BA U JISU KHRIST U DEI U TRAI”. 1 Philipi 2:10-11. “At the name of JESUS, every knee shall bow, every tongue confess THAT JESUS CHRIST IS LORD”.
U Jisu Khrist u dei u trai halor kiei kiei baroh. U long u trai ka bneng u trai ka khyndew bad kiei kiei ki long ba u Blei u Kpa u la ai ha u, ka Bor (Authority) halor ki bor baroh, tad ynda u Jisu un aiti ia ka Hima ha u Blei u Kpa, tad ynda u la pyndam noh ia ka jingsynshar baroh ia ka jingdonbor bad ia ka bor baroh” 1 Korinth 15:24-26.
Ia ka pop bad ia ki ksuid baroh la pyndem ha ka kyrteng u Jisu wat ia u Lucifer soitan yn pyndem ia u ha ka kyrteng u Jisu uba na Nazareth, hapoh ki 1000 snem bad hadien ki 1000 snem sha ka pung ka ding.
Kumta, ia ka jingsynshar bad kaba donbor, bad ka bor, bad ka jinglong trai baroh, bad halor ka khyndew baroh, ba la kyrteng, ym tang ha kane ka pyrthei, HYNREI HA KATA KA BAN SA WAN RUH”. Ephesos 1:21.
Ka kyrteng “Jisu” kam trei tang ha pyrthei ba mynta hynrei ha kata ka pyrthei ban sa wan ruh ha ka 1000 snem ka jingsynshar u Jisu, bad sha ki bymjukut ruh.
U David ha ka Kitab Salm u ong – “To kin iaroh ia ka kyrteng u Trai, naba tang ia ka kyrteng jong uba la kyntiew: ka burom jong u, ka ha khlieh ia ka khyndew bad ka bneng” Salm 148:13.
Dei tang ha ka kyrteng u Jisu uba lah ban pynkylla dur ia u briew. U Saul ka Tarsus ia uba la kyrteng u Paul ula ong kumne: “Nga shisha nga la ju tharai halade, ba ka dei ia nga ban leh shibun kiei kiei PYRSHAH IA KA KYRTENG U JISU u nong Nazareth. Nga la leh kumta ha Jerusalem (Israel) nga la set byndi shibun ki riewkhuid (briew Blei)…… da kaba pynshitom ia ki ha ki synagog. Nga ju pynbor ia ki ban kren bein Blei haba nga la bitar lamwir shikatdei eh, nga la leh bein ha ki nongbah bad sha palat Elaka, ong u Paul. Ki kam Apostol 26:9-11.
Hynrei ha ka lynti sha Damascus, u Saul u la kyllon kram ha khyndew, u iohsngew ia ka sur kren ha ka ktien Hebru kaba ong – Saul balei me pynshitom bein ia nga? ……. Nga la ong te “Me long uei Ah Trai!” u Trai u la ong – NGA LONG U JISU ia uba me pynshitom bein. U Jisu u ong ia u Saul (Paul) “Ngan thung ia me ban long u Nongialap, u Nongphla ia kine kiei kiei kiba me iohi……” ki kam Apostol 26:15-18.
La pynkylla ia u Saul, la pynkyrteng noh ia u, u Paul. Kumta la pynim ia u Saul dei da kaba kyrteng Jisu. Ym don kaba eh bad u Trai Jisu. U Saul ia uba la tip kum u Paul, ula kohnguh ia u Jisu, u la ialap nyngkong eh ha Damascus bad ha Jerusalem, bad ha Judia, bad sha baroh ki Jentil ruh” ki kam Apostol 26:19-23.
U Saul (Paul) u da pyni biang biang ba u Jisu u long u Khrist. Ki kam Apostol 9:20-22.
Ka kyrteng Jisu, ka long ka kyrteng kaba pynim pat ia u nongpop uba khraw kum ia u Saul.
Dei tang ha ka kyrteng Jisu lah ban beh noh ia ki ksuid. U Jisu dalade u ong- To khie leit sha ka pyrthei baroh ialap ia ka Gospel. U bangeit bad ioh pynbaptist yn pynim, u bym ngeit yn pynrem. Ha ka kyrteng jong nga kin ia beh noh ia ki ksuid ……. Kin buh ki kti ha ki ba pang, kita kin khiah……. Markos 16:15-18.
U Paul (Saul) hadien ba la pynkylla ia u u la beh ksuid ha ka kyrteng u Jisu. U Paul u ong ia u ksuid – “Nga hukum ia me HA KA KYRTENG U JISU KHRIST ban mih noh na ka (na ka briew). Bad ha kajuh ka por uta u ksuid u la mih noh” ki kam Apostol 16:18.
Kumta, tang ha ka kyrteng Jisu, lah ban beh ia ki ksuid kiba mynshuwa bad mynta. Bad kane ka pyni ba dei tang ha ka kyrteng Jisu lah ban beh ia ki ksuid (demons) bad ban pynkoit ia kiba pang, ban pynim ia kiba iap.
Te lada ka kyrteng Jisu ka long ka kyrteng halor ki kyrteng baroh halor ki blei thaw blei lum blei wah, balei ka pyrthei kan dang artatien haduh mynta ia ka kyrteng Jisu? Dei ka jingbymngeit kein ha u khun u Blei (u Jisu) ba u Jisu un sa wan, pat sha kane ka pyrthei, un wan ban bishar ia ki briew baroh kiba la iap bad kiba dang im.
Dei ka jingbymngeit kein kaba pyllong ia u Blei ba un phah ki jingjia khyllah mynta ha pyrthei, namar shisien u Jisu u la dep ai hukum da ka ba ong – To khie leit sha ka pyrthei ialap ia ka Gospel ia uba ngeit yn pynim, u bymngeit yn pynrem. Ka jingpynrem dei sha dujok ding syndon kein.
Namar kata to tip ba ka kyrteng Jisu, ka long ka kyrteng kaba halor ki kyrteng blei jong kane ka pyrthei, bad ym don da kawei pat ka kyrteng.
U Apostol Paul u ong – “Ym don ka jingpynim hano hano ha uwei pat (u blei): Naba ym don kawei pat ka kyrteng hapoh ka bneng, ia kaba la ai hapdeng ki briew kaba dei ba un PYNIM IA NGI” ki kam Apostol 4:10-12.
Dei tang ka kyrteng Jisu kaba lah ban mab, ban pynim ban thaw thymmai ia uno uno u briew ne ka briew hangne ha pyrthei. Bad dei tang ka kyrteng JISU kaba ki angel ki ieit ban iaroh sha ki bymjukut.
Amen.