470 tylli ki bus ka MUDA, kiba kit ia ki nongleit jingleit ha Shillong

Shillong: Ka jingdon jong ki kali sorkar, ba la pyniaid da ka MUDA hapoh ka sor Shillong kan da long lehse ka ban kham pynsuk ia ki paitbah nongleit nongwan, namar la ioh jingtip na ka tnad Transport ba ki don haduh 261 tylli ki bus bad kitei ki dei kiba ngiam naduh 18 seat haduh 31 seat.
Nalor kitei ki bus heh,ka tnad lyngba ka MUDA ka la wanrah ruh sa ki kali rit ba la tip da ki Motor Cab kiba, napdeng jongki, ki ngiam naduh 6 seat haduh 8 seat,ha kaba kine ki jait kali ki don baroh 209 tylli bad baroh ar jait kitei ki kali, ki poi sha ka 470 tylli.
La iathuh ba kitei ki kali ki dei ba la rejistar naduh u bnai Risaw jong u snem 2011 ter ter haduh u Lber jong u snem 2016.
Shuh shuh,haba iakren,u DTO ka East Khasi Hills, u la iathuh ba kitei ki kali ki siew ia ki khajna ba dei ban siew baroh kum ka Insurance bad kiwei kiwei pat.