Leit jurip U CEM ka Karbi Anglong, ia ka ktem ki pulit Assam ha Jri Kyndeng

Shillong: U Chief Executive Member (CEM) ka Karbi Anglong Autonomous Council (KAAC) u Tuliram Ronghang u la pynbna ba ia ka surok na Kheroni sha Jirikindeng, yn sa shna noh lyngba ka Asom Mala.
Haka ne ka jingleit jngoh ia ka khappud Assam-Meghalaya, ha ka sngi Saitjain ba ladep, kaba ha West Karbi Anglong u la ong ba kane ka jaka ka dei kaba ki pulit ka Assam ha ka 13 tarikJylliew ki la pynpra iaka jaka shong dara jongki ha Khatkhasla, katba ki pulit ka Meghalaya ki la kynriah noh na Psiar kaba hap hapoh ka thanad Jirikindeng.
Hadien ba ki la leit jngoh ia ka Khatkhasla ryngkat bad ki EM jongka KAAC ryngkat bad ki heh sorkar, ki la pynlong jingialang paitbah ha ka shnong Umkhermi ha Jubili Anglong.
Haba ai jingkren, u tei u CEM, u ong ba ka surok na Kheroni sha Jirikindeng yn shna kum ka bynta jong ka Asom Mala,bad yn sa iashong jingialang lang hapdeng u myntri rangbah ka Assam bad u myntri rangbah ka Meghalaya bad ia ki jingeh yn sa lah ban pynbeit ha ka jingia tainia.
U la ong kajaka ha Khatkhasla kam dei ka jaka khappud, namar ka dang ia jngai sa kumba 3 kilo metar kat kum ka jing sdang ban ioh iaka KAAC ha u snem 1951 bad u marpud ruh border u don ha rud jong ka wah Myntang.
U Horen Sing Bey u ba dei u MP, haba kren ha ka jingialang u ong, “Nga ai jingmut ba phin iakren para maphi ban ai kyrteng ha ka ktien Karbi ia kane ka jaka.”
Ha shwa kane, u CEM u la buh mawnongrim na ka bynta ka Greater Kheroni Piped Water Supply ba yn shna haka jinglut kaba Arphew wei klur phraphew hynniew lak hynniewphew ar hajar bad yn pyndep hapoh ka shi snem hapoh u bnai Lber la shem snem.
Ia ka jinglut, yn bei da ka North East Special Infrastructure Development Scheme (NESIDS) haka song ba 40 klur (mynshwa latip kum ka NLCPR). Kawei pat ka Greater Umsowai Water Supply Scheme yn sa sdang shen ha West Karbi Anglong.
La sam ruh iaki bai lutksan jong ki longiing ha Amreng ba la shah ktah haka Lower Kopili Electric Project,ha kaba ki laingut,u Kadom Millikpi, Joysing Millik bad Oleos Teron ki la ioh da ka Chek bad iaki wei yn sa ai kham hadien ha Diphu.
U Prodip Rongpi, u Rupsing Teron,u Amar Sing Tisso bad u Kache Rongpipi badei ki EM bad ki ka Autonomous Council u Probhat Taro bad ki nongialam ka Congress,na ka Mahila Congress, ka President ka Kasang Terangpi, Secretary ka Karbi Anglong District Congress Committee, Bidya Sing Rongpi, bad u Principal Secretary ka Mahadananda Hazarika, u Secretary ka tnad PHE, KAAC, Si-im Taro,ki heh sorkar bad ki trai shnong ki la synran lang ia u CEM.