Ka la mih bha ka jingiakren halor ka jingiadei jong U KL Rahul bad ka Sonal Chouhan, kaba dei ka aktress jong ka bollywood, hynrei ha kane ka kynti, ka la nang shai bha bad kata ka long ba U Rahul, u sdang ban iateh sai iong sai saw bad ka Athiya Shetty, kaba dei kawei pat ka aktress ba paw jong ka bollywood.
La iathuh ba ka Athiya bad U Rahul, ki la sdang ia iaid naduh U Rymphang mynta u snem bad ki don kiba shim ba ka jingiadei ka la sdang skhem bha hapdeng kitei ki arngut.
Haduh mynta kam pat don ka jingphla na kitei ki arliang mamla bad ka Athiya lane U Rahul, kim pat kwah ban kren eiei shabar. U Rahul, u don mynta bad ka kynhun ialehkai jong ka India, na bynta ka jingialehkai ICC Cricket World Cup 2019 ha England.
Phi don ban ong eiei?