Shillong: Ka Khasi Jaintia Butcher’s Welfare Association kaba la shong ia ka jingialang myn hynnin ka sngi saitjain ha nongbah Shillong ka la shim biang ia ka rai ban dang pynjlan ia ka jingsangeh otdoh masi ha ka jylla baroh kawei watla na ka liang ka Sorkar Jylla ka la mynjur ban shimkhia ia kane ka jingeh ba ki nongdie doh ha ka jylla ki iakynduh.
U president ka Khasi Jaintia Butcher’s Welfare Association, u Bah Generous Warlarpih ha ka jingiakren bad ki lad pathai khubor u la iathuh ba dang shen ha ka jingiakynduh ia u Symbud Myntri Rangbah ka Jylla, u Bah Prestone Tynsong u la bthah ia ki nongialam jong ka seng ban wad noh da kawei ka iew die masi kaba thymmai ha ka thain Ribhoi.
Katkum ka jingiathuh jong une u nongialam ka Synjuk ki nongotdoh masi, na ka liang ka seng ka ladep ioh jaka ban pynlong ia ka iew khaii masi bathymmai ha ka thain Byrnihat.
U la iathuh ruh ba kane ka jingbteng jong kane ka synjuk ki nongdie doh masi ban sangeh ka jingthied masi na ka iew die masi na Khanapara ka dei namarba u Syiem ka Hima Mylliem um shym la shimkhia ia kane ka jingeh ki nongotdoh watla ki la pynsngew ia kane ka jingeh sha ka ophis jong ka Hima Mylliem.
U General Secretary ka Federation of Khasi Jaintia and Garo Peoples, u Bah Dundee Khongsit, haba bynrap halor kane u la iathuh ba na ka liang ka synjuk ki nongotdoh ki ladep leit pynsngew ia ka jingkhaii masi be-ain na ka iew die masi na Khanapara sha Bangladesh sha u Superintendent of Police ka Ribhoi bad ka East Khasi Hills District.
Ngam sngew iahap satia ban pynkynriah ia ka iew na khanapara shawei pt…kane ka jingkwh ban pynkynriah lehse ka don da kawei pt ka jingmut namar ki kwh bat hi ia ka iew masi.
Sngewsih ban ong ba iakhih ki malik,iap pt ki nongbylla kiba kamai sait snier,pharia doh,kiba bylla na ki kam shoh doh masi.
ka biang eh kata ban kynriah jaka noh iakaiew na khanapara sha Byrni