Yn kynduh director ka JACATAM

Shillong,
15 Jymmang:
Ki nonghikai skul bym dei sorkar hapoh ka lama ka JACATAM kin iakyn duh ia u director ka DSEL u Ambrose Ch Marak ban iakren ia ka jingshimti ka sorkar ia ka kam nonghikai skul baroh ha ka jylla.
La iathuh ba na ka liang u director ka DSEL u la khot ia ki nonghikai ha kane ka sngi Nyngkong ban iakren ia kane ka kam.
Kham mynshwa ka sorkar ka la phah ia ki ophisar ba kin leit wad jingtip na kiwei ki jylla ka ri India halor kane ka provincialisation ne ka jingshimti ka sorkar ia ki kam nonghikai skul bad ban pyntreikam ruh ha kane ka jylla.
Kane ka jingshim khia ka sorkar, ka long hadien ba ki nonghikai skul ha kane ka jylla, ki la pynlong ia ka jingdawa bad ka jingiakhih bapher bapher.