Ym don doktor ha ki PHC, ba ym don ba ujor, ong u myntri ha U MDC ka Mawhati

Shillong:U MDC ka Mawhati Constituency u bah Charles Marngar ha ryngkat ka jing synran u sordar Raid Thadrang,President ka synjuk Rangbah Shnong Area,Rangbah Shnong Diengngan, Rangbah shnong Tyrso,mynta ka sngi ka 28 tarik u jylliew 2019 u la leit ban ia kynduh ia u myntri ka koit ka khia u Bah A L Hek, halor ka jing bym don doctor ha ki Primary Health center (PHC) ha ka shnong Mawhati bad Mawlasnai.

U bah Charles u la ong “Ha ka jing leit jurip jong nga ia ka PHC ha Mawhati bad ha Mawlasnai u la lap ba ha Mawhati PHC ym don doctor la 3 bnai bad ha Mawlasnai naduh u snem 2013 ym don doctor bad ki PHC kim don um bad kim don bor ding elektrik ha baroh ar tylli ki PHC.”

Na ka liang u MDC u la kyrpad ia u Myntri ka koit ka khia ban pynbiang noh ia ki doctor hapoh shitaiew ha ki ne ki PHC lada ym leh ha ka taiew ngin shim da kawei ka ka lynti.

Na ka liang u myntri ka koit ka khiah u bah AL Hek, u la pynpaw ba ki jingbym don ia ki doctor ha PHC ka long ba ym shym la don ki ba wan ujor ha ka tnad ka koit ka khiah, u bah Hek u la kular ruh ba un pynbiang noh mardor ia ki doctor ha kine ki PHC.