Pylliem ka Nongrim Hills ia ka Smit ha ka SPL U-18

Shillong: Ka Smit ka la shah pylliem ha ka Nongrim Hills da 1-2 kol ha ka jingiakhun ka lympung SPL U-18 ka SSA kaba long myn hynnin ka sngi ha madan Polo. Ia ka Smit la thep da u P. Nongrum ha 65 minit katba ia ka Nongrim Hills SC la thep da u B.kurbah 40’ bad W. Lyngkhoi 66’.
Ha kawei ka jingialehkai, ka Rangdajied FC ka la pynbam jem haduh 10-0 ia ka Laban. Ia kine ki kol ka Rangdajied la thep da u G.V. Lyngdoh 16’, O. Langshiang 18’, 77’, 80’, F. Sohkhlet 36’, 44’, B. Khongjee 66’, D.Mawlong 67’, 70’ bad u B.L.Mawphlang 78’.
Ha kawei ka jingialehkai ka 4th Division, ka Lawmei SC ka la pylliem ia ka Madanriting da 1-0 kol. Ia kane kawei ka kol ka Lawmei la thep da u G. Malieh 70’.