Kyntu ki paidbah ia ki nongniah kali Shillong – Jowai ban phikir ka niah kali

Ka surok Shillong Jowai ka long ka surok kaba khring bha ban niah bad Pynher kali namar ka dei kawei na ki surok kaba bha tam ha kaban ia nujor bad kiwei pat ki surok ha kane ka jylla jong ngi, ka long shisha ka surok kaba kyntiew lut ia ki shnong baroh kiba dei iaid lyngba kane ka thain da ka jingbha kane ka surok, ngi ki paidbah ba shong ba sah ha ki thain Sohryngkham – Mawryngkneng Area ngi suk shi kaddei eh ha kaban leit ban wan man ka sngi, hynrei ka long ruh ka surok kaba lehse man ka sngi ka jingaksiden ka ju jia na ka por sha ka por bad shibun bah ki mynsiem briew ki la duh lehnohei ha kine ki surok , te kumta ngi kiba sah ha kine ki thain haba ngi iohi ia kane ka jingma na ka por sha ka por ngi kyntu ia baroh ki draibar bad wat ki ar shaka, khamtam ki kali kamai (tourist) ba kin long phikir bad husiar bha haba phi iaid ha kine ki surok dei ban don ka limit haba phi Pynher ym ban niah kulmar ban shim pass kulmar ha ki kyndong kynshrot kane ka surok, khamtam lei lei ki kali kamai ki draibar ki hap ban kynmaw ba ki kit ia ki mynsiem briew ba kordor namar tang shu bakla tiak ka jingkynnoh kan leit beit sha u draibar kali, te kumta ngi kyntu ba phin niah don akor don burom bad niah tipbriew tipblei khnang ban lait na kino kino ki jingjia ba sngewsih ha kajuh ka por ngi kyntu ia ki bor ka ain (pulit) ba kin pynlong ia ka jingtest jinhaw man ka por ia ki draibar naduh ki kali kamai & kali shimet ruh ioh don kiba dih kyiad dih drok namar kane lei lei ka long kaba ma shibun eh namar ynda la shoh khawiang kan wan rah ka jingsngewsih ba jur haba niah kali .
Ngi kyntu ruh ia ki briew ba hikai niah kali ne 2 shaka (L) ban kiar na kaba hikai niah ha kine ki surok (Highway) namar kan buh jingma bha ialade bad ia kiwei ruh. Ngi kum ki samla ba don jingkitkhlieh lem ia kine ki area ngi kyrpad jur bad ai jingmut ruh ia ka tnat badonburom ban shna surok ka PWD ba phin buh ne shna lem noh ia u speed breaker ha ki jaka ba ki paidbah ki donkam ban jam sha shilliang surok bad ki lad shnong kumba phi shna ha lad Smit, shna lem noh ruh ha Mawlyngngad, Sohryngkham (Neng), Lad ban rung shapoh shnong Sohryngkham, Sohryngkham Mawlyndep , Pommura, Mawryngkneng ter ter namar da ka jingdon kine ki speed breaker kan kham iada shibun ia ki mynsiem briew ba shong ba sah ha kine ki thain. Lyngba kane ka kyrwoh ngi ngeit phin pyntreikam ia kine ki jingkyntu jong ngi kum ki paidbah ka Sohryngkham Mawryngkneng Area.
Na ki Samla Sohryngkham Mawryngkneng Area , Bah B.Nongbri, Bah R. Shadap , Bah H.Kharduit, Bah M.Dkhar, Bah D. Kharpran, Bah M.Pyngrope, Bah O.Nongrum, Bah J. Kharumnuid, Bah S.Nongbri, Bah E. Warlarpih bad kiwei.