Ki lain zebra bad ka jing pynsuk ia ki paidbah ban kiar kali

Shillong: Na ka por sha ka por ngi la sakhi da la ki jong ki khmat, ha kaba na ka tnad jong ki pulit ki la ju leh shibun kiei kiei kiba wan rah ia ka jingmyntoi jong ki paidbah ha kaba iadei bad ka rukom pyniaid ia ki kali ne ha kaba iadei bad ki surok shi kali bad kiwei.
Ha kane ka kynti haba ia kren bad kaba iadei bad u zebra line pat, bun na ki riew paidbah jong kane ka jylla, kim don ka jingkitkhlieh ia kaei ka ba na ka tnad ki pulit ki la leh na ka bynta jong ki, ban lait na ka jing mynsaw, jing aksiden bad kumta terter.
Nalor kata ha ba sakhi da la ki jong ki khmat, la iohi ba ka jingbuh ia kitei ki line zebra ka shu long kamkai noh. Haba peit bniah bha ha ki thain Donbosco, Dhankheti, police bazar, Mes, Lumdiengjri bad kiwei kiwei ki jaka, kine ki zebra line ki shulong leh nohei lut, namar ba ki paidbah hi kim don kata ka jingiatrei lang bad ka tnad pulit.
Haba ia kren bad u SP ka Traffic u BD. Marak u la ong “Ka jing bym ia trei lang bad ka tnad jong ngi ka long kaei kaei kaba shem jingeh ia ngi kum ka tnad pulit namar ba kim pdiang bad sngap, ia kaei ka ba ngi la pyni sha ki riew paidbah. Kaba nyngkong ka long ba ia u Zebra line la buh ha man ki jaka khnang ba ki nongiaid nongieng kin suk kin lait na ka jing aksiden, namar haba ki mut ban jam shano shano sha ba ki mut ban leit kim da don kam shuh ban bat ia ki kali kiba iaid napdeng hynrei ki kali kiba iaid kin tang shu iohi ia ka jingieng jong ki paidbah khamtam ia ki khynnah skul kim da donkam shuh ban bat ne pynsahngeh ia ki kali, ki nongniah ia ki kali, hi ki hap ban pynsangeh kham pajih khyndiat na u line, hynrei ka jingbym trei lang jong ki riew paidbah, khynnah skul, bad ki wei kiwei kiba bun ka pynlong ia ngi ba kan shim jingeh. Hynrei lada phi ieng ha ka jaka ba la buh(Zebra line) kam da don jingeh eiei ruh em ia ki paidbah ba kin iaid kin ieng hakano kano ruh ka jaka”.