Haduh 400 tylli ki longiing baduk sam tin u MLA ka Mawhati

Nongpoh: Dang ha kine ki sngi kiba la dep, la iathuh ba u MLA ka Mawhati Constituency, u Dasakhiat Lamare, MLA ka Mawhati Konstituensi, u la sam tin soping sha ki 400 tylli ki Longiing kiba kiba hap hapoh ka Mawhati Constituency.
Ia kitei ki Tin sop iing, kiba utei u MLA u la ai sha ki longiing ba duk, la ioh jingiarap lyngba ka ka skhim kaba la tip kum ka Chief Minister Housing Assistant Programme.
Ha kaba sam ia kitei ki tin sopiing, la pynlong ha ka shnong Umshaw bad kiba la don ha katei ka sngi ki kynthup ia u rangbah shnong ka Umshaw, ki nongkitkam ka NPP lem bad ki nongkitkam ka NPP Mawhati Constituency.
Haba ha katei ka sngi, utei u MLA ka Konstituensi, u la pynpaw ia ka jingkmen ba u la ioh ban iarap ia ki paidbah kiba donkam shisha ia ka jingiarap bad shibynta ka la pynurlong ia kaei kaba u thmu bad kata ka long ban iarap ia ki paidbah bad khamtam eh ia kito ki longiing kiba duk ba kyrduh.
U la ong ruh ba ka jingshakri ia ki paidbah ka dei kawei na ka jingshakri ia u Blei Trai Kynrad, namarkata kum u nongmihkhmat ka konstituensi, u don ia ka jingthrang ban nang treibha shuh shuh na ka bynta ka jingmyntoi ki paidbah ba bun balang bad ha kajuh ruh ka por ban wanrah ia ka roi ka par hapoh ka Constituency hi baroh kawei.
Ha katei ka sngi kaba u sam ia kitei ki tin sopiing, u la kyntu ruh ia ki paidbah kiba la ioh pdiang ia kitei ka tin soping, ba kin pyndonkam hok ia ka na ka bynta ka jingdonkam jong ki bad ruh ba kin nym pyndonkam bakla ia ki.